Беларус схадзіў у краму і быў шакаваны «свежай» гароднінай і садавіной

• 26.12.2024, 10:59

Відэа выклікала неадназначныя каментарыі.

Блогер схадзіў у краму "Святлафор" і зняў відэа. У роліку фігуруюць сапсаваныя апельсіны, прарослая цыбуля, гнілая хурма і гранаты не першай свежасці. Ціктокер не пазначыў, у якім з гарадоў зрабіў гэта відэа, піша «Зеркало».

Некаторыя гледачы не паверылі, што гэта садавіна і гародніна былі ў гандлёвай зале. “Хацела б убачыць, што гэты тавар сапраўды выкладзены ў краме. Паказваюцца адныя скрыні, яны могуць і ў падсобцы на выкід стаяць”, - адзначыла адна з каментатарак.

Іншыя абураліся выглядам садавіны.

"Цікава, не ўтылізуюць у надзеі прадаць, ці каб паліцы пустыя не былі?"

Але былі і тыя, хто абараняў краму.

“Хадзіце ў іншыя крамы, калі гэта не задавальняе! Некаторыя там закупляюцца, таму што грошай няма, вы бачылі кошты ўвогуле на прадукты! Усе думаеце, што ўсе людзі багацеі і не абавязкова садавіну есці”.