Украінскія дроны ўдарылі па судне «Фёдар Урупін» у Крыме

• 26.12.2024, 11:43

Гэты карабель быў скрадзены расейцамі ў 2014 годзе.

У часова акупаваным Крыме 23 снежня дроны падбілі судна «Фёдар Урупін». Аб гэтым са спасылкай на крыніцу піша маніторынгавы канал "Крымскі вецер" у чацвер, 26 снежня.

Паводле інфармацыі пабліка, судна атакавалі ў бухце ў пасёлка Чарнаморскага.

БПЛА ўляцеў у борт судна, удар прыпаў вышэй за ватэрлінію, але судна не затанула.

«Фёдар Урупін» - гэта судна, якое належыць украінскай кампаніі «Чарнаморнафтагаз», яно было захопленае расейскімі акупантамі ў 2014 годзе падчас анэксіі Крыма.