УСУ атакавалі завод па вытворчасці паліва для балістыкі ў Расеі

• 26.12.2024, 12:46

Сталі вядомыя дэталі ўдару па аб'екце ВПК у Растоўскай вобласці.

Паветраныя сілы УСУ на днях атакавалі прадпрыемства ў Растоўскай вобласці.

Пра гэта паведамляе Управа стратэгічных камунікацый УСУ ў Telegram.

Як адзначаецца, нядаўна Паветраныя сілы УСУ нанеслі высокадакладны ўдар па аб'екце вайскова-прамысловага комплексу ў горадзе Каменску-Шахцінскім Растоўскай вобласці.

Страткам УСУ адзначае, што Расея выкарыстоўвала гэтае прадпрыемства для вытворчасці цвёрдага паліва для балістычных ракет.

«Гэтая агнявая параза - частка ўсёабдымнай кампаніі па паслабленні магчымасцяў узброеных сілаў Расейскай Федэрацыі рэалізоўваць тэрарыстычныя атакі супраць мірных грамадзян Украіны», - гаворыцца ў паведамленні.