У Новы год беларусы працуюць больш за іншых на постсавецкай прасторы

• 26.12.2024, 19:41

У беларусаў няма доўгіх вакацый на Новы год.

Большасць жыхароў Беларусі жадаюць правесці навагоднія святы дома.

Такімі планамі падзяліліся 60% беларусаў, якія ўдзельнічалі ў апытанні Wildberries.

Спыталі пра гэта і жыхароў Расеі, Казахстана, Узбекістана, Кыргызстана, Арменіі ды Грузіі. Там адсотак ахвочых застацца дома прыкладна такі ж. Самы нізкі ён у Расеі - 55%.

Саму навагоднюю ноч большасць таксама правядзе дома ці ў гасцях. Толькі 1-2% апытаных будуць знаходзіцца ў дарозе ці за мяжой.

На працы паслухаюць бой курантаў 3-4%. І больш за ўсё тых, каму давядзецца працаваць у ноч на 1 студзеня, выявілася ў Беларусі - 16%. Гэта злучаюць з асаблівасцямі вытворчага календара ў краіне.