«Там што, няма ацяплення?»

• 27.12.2024, 21:00

У беларусаў узніклі пытанні да «Гарызонта».

Беларускае прадпрыемства «Гарызонт» завяло старонку у TikTok і ў першым жа відэа паказала, як супрацоўнікі робяць тэлевізары. Ролік толькі нядаўна пачаў вірусіцца ў сацсетцы, і карыстальнікі сталі масава пакідаць каментары аб вытворчасці, піша «Телеграф».

Гэтае відэа набрала каментароў. Адное з галоўных пытанняў, якое задалі многія карыстальнікі, — чаму работнікі прадпрыемства робяць тэлевізары ў цёплых куртках:

«Там што, няма ацяплення? Людзі ў куртках, башлыках»;

«У цэху так холадна? Людзей не шкадуеце»;

«А чаго яны ўсё ў КАЖУХАХ???» ;

«Як у вас справы з аховай працы ідуць на вытворчасці?»;

«У цэху, напэўна, мінусавая тэмпература».