Сілы абароны Украіны знішчылі пад Краматорскам бронятанкавую калону расейцаў

• 28.12.2024, 14:58

Да мяжы атакі ніводная баявая машына не даехала.

Байцы 5-й асобнай штурмавой Кіеўскай брыгады спынілі масаваны штурм ворага ў раёне населеных пунктаў Іваніўскае – Клішчыеўка на Краматорскім кірунку.

Дзякуючы дакладным дзеянням абаронцаў украінская абарона нанесла акупантам зруйнавальныя страты: знішчаныя тры БМП з дэсантам, абясшкоджаныя два танкі, сярод якіх найноўшы Т-90М «Прарыў».

Адпаведнае відэа апублікаванае ў тэлеграм-канале брыгады, інфармуе Цензор.НЕТ.

«Да мяжы атакі ніводная расейская баявая машына не даехала», – паведамілі байцы.