«Проста два пад'езды скінуліся на гірлянду»

• 28.12.2024, 15:10

Беларуска паказала на відэа незвычайнае навагодняе ўпрыгожванне шматпавярхоўкі.

Гамяльчанка з нікам m.o.s.i.a_ выявіла ў горадзе незвычайнае ўпрыгожванне шматпавярхоўкі. Відэа са шматметровымі гірляндамі яна выклала ў TikTok.

«Навагодні крэатыў ад гамельчукоў», – так падпісала ролік беларуска. На відэа паказаныя дзве вельмі доўгія сінія зіхоткія гірлянды, якімі ўпрыгожылі фасад будынка.

У каментарах падзяліліся: камусьці вельмі спадабалася ідэя, а нехта не ўбачыў ва ўпрыгожванні нічога незвычайнага.

«Проста два пад'езды скінуліся на гірлянду».

«Як партал».

«Крута, малайцы! Так можна і матылька дамаляваць».

«Калі іду міма, любуюся».

«Проста ў кагосьці жонка набыла 200-метровую гірлянду, муж пастанавіў аддаць на патрэбы грамадства, бо размотваць яе ён не хацеў».

Дарэчы, гэта не адзінае навагодняе ўпрыгожванне, на якое звярнула ўвагу карыстальніца TikTok. У папярэднім роліку яна паказала, якую ялінку ўсталявалі ў двары кавярні 1505 г. у Гомелі. Дрэва сапраўды выглядае казачна, паглядзіце.