Беларуса злавілі на польскай мяжы з кантрабанднымі цыгарэтамі, аштрафавалі і адпусцілі

• 28.12.2024, 18:25

Ён не супакоіўся і павёз яшчэ больш.

У польскім пункце пропуску "Тэрэспаль" на мяжы з Беларуссю затрымалі кіроўцу аўтобуса, які спрабаваў нелегальна завезці ў Польшчу 440 пачкаў цыгарэт. Мужчыну аштрафавалі на 9 тыс. злотых і адпусцілі.

Але праз некалькі дзён ён распачаў новую спробу. Пра ўпартага кантрабандыста, якому зараз давядзецца стаць перад судом, распавялі ў Люблінскай мытнай адміністрацыі, піша Most.

Другі раз аўтобус беларуса зноў выклікаў падазрэнне мытнікаў. Яны агледзелі транспартны сродак і выявілі канструктыўныя змены такім чынам, што пад ім апынулася схованка.

Рынкавы кошт канфіскаваных тытунёвых вырабаў ацэньваецца ў 8,7 тыс. злотых.