Выведнік ГРУ здаўся ў палон УСУ і звярнуўся да расейцаў

• 3.12.2024, 10:32

Відэафакт.

Украінскія вайскоўцы працягваюць папаўняць абменны фонд, беручы ў палон расейскіх захопнікаў. Падчас баявых дзеянняў на Харкаўскім кірунку байцы 3-й асобнай штурмавой брыгады ўзялі ў палон акупанта, які служыў у ГРУ.

Вайсковец злачынец заявіў, што надумаў ваяваць супраць Украіны нібыта для таго, каб не патрапіць у турму. Відэа з палонным акупантаў апублікавала ў Telegram 3-я асобная штурмавая брыгада.

Палонны захопнік заявіў, што ў Расеі яму пагражаў 13-гадовы турэмны тэрмін за махлярства, але яму прапанавалі альтэрнатыву - службу ў шэрагах акупацыйнай войска РФ. Паводле ягоных слоў, забіваць украінцаў ён не збіраўся, а галоўная яго задача юыла ў «ахове» акупаваных тэрыторый.

«Я сказаў, што я не буду забіваць, забіваць не трэба нікога. Там землі, якія мы ўзялі, чыста трэба сядзець і ахоўваць», - заявіў вайсковы злачынца.

Таксама акупант у звароце да расейцаў, якія збіраюцца ехаць на вайну ва Украіну, заявіў, што трэба адразу здавацца ў палон украінскім вайскоўцам.