У Беларусь зайшоў 21 «Шахед»

• 3.12.2024, 14:39

Авіяцыя ў неба не паднімалася.

Два з 28 ударных беспілотнікаў, якімі Расея атакавала Украіну ўночы 3 снежня, паляцелі з паветранай прасторы, якая кантралюецца Кіевам, у кірунку Беларусі і акупаванай РФ украінскай тэрыторыі, паведамляюць Паветраныя сілы УСУ.

Паводле інфармацыі ўкраінскіх вайскоўцаў, атака пачалася 2 снежня а 22:00. Да 9:00 3 снежня сілы абароны збілі 22 дроны, адзін «лакацыйна страчаны».

Паводле звестак маніторынгавай групы «Беларускі Гаюн», уночы 3 снежня «зафіксаваны як мінімум 21 заход расейскіх дронаў-камікадзэ тыпу «Шахед» у Беларусь з Украіны і РФ».

Адзначаецца, што дроны заляталі з Расеі, рухаючыся курсам на Мазыр, Брагін, Гомель і Рэчыцу (усе ў Гомельскай вобласці).

Авіяцыя ў паветра не паднімалася.