У Гомельскай вобласці затрыманы яшчэ адзін «японскі шпіён»?

• 3.12.2024, 16:35

Ён нібы здымаў пуцеправод.

Паводле інфармацыі «Супольнасці чыгуначнікаў Беларусі», раніцай, 1 снежня, на станцыі «Калінкавічы Заходнія» машыніст цеплавоза заўважыў чалавека, які здымае пуцеправод.

Работнікі ваенізаванай аховы супольна з супрацоўнікамі Калінкавіцкага РАУС затрымалі мужчыну - грамадзяніна Японіі.

Далейшы лёс японца невядомы.

Нагадаем, 4 верасня сілавікі затрымалі «японскага шпіёна». Затрыманы Наканісі Масатосі выкладаў японскую мову ў Гомелі.