Другі фронт супраць Асада

• Telegram-канал «Быть Или»
• 3.12.2024, 17:51

У Сірыі падзеі працягваюць развівацца нон-стопам.

1. Курды з СДС адкрылі супраць Асада другі фронт, пры падтрымцы амерыканскай авіяцыі прасоўваюцца ў раёне газавых радовішчаў у правінцыі Дэйр-эз-Зор.

Паведамляецца, што ўзяты пад кантроль першы населены пункт - Хашам. Гэта той самы Хашам, дзе ў 2018 годзе амерыканская авіяцыя нанесла масаваны ўдар па калоне вагнераўцаў, прычыніўшы ім значныя страты (паводле звестак Reuters, 100 загінулых і 200 параненых).

2. Тым часам «Хаят Тахрыр аш-Шам» і СНА працягваюць захопліваць велізарныя тэрыторыі ў правінцыі Алепа, візуальна кантралюючы ўжо амаль 90% яе зямель. Там, у асноўным, пустыні. Пры гэтым СДС прысутнічаюць на заходнім беразе Еўфрата ў раёне Мескены.

Узяць Хаму раптоўным наскокам у ХТШ не атрымалася, таму зараз паўстанцы спрабуюць абысці яе з усходу.

3. Іран накіраваў у падтрымку Асаду 300 ірацкіх баевікоў са складу сваіх проксі. «Хезбала» ж дапамагчы асабовым складам Асаду не зможа, бо сама ледзьве выжывае пасля разгрому з боку Ізраіля.

Таксама Іран анансаваў на 7-8 снежня (субота-нядзеля) перамовы ў Астанінскім фармаце (Іран-Расея-Турцыя). Туркі пацвердзілі свой удзел, хоць, вядома, яны зараз менш за ўсіх зацікаўленыя ва ўрэгуляванні.

А пакуль Асад фактычна на расцяжцы. Але паглядзім, наколькі моцным будзе ўдар ад СДС з усходу. У тых краях прабывае і ІДІЛ - як яны сябе павядуць?

Telegram-канал «Быть Или»