У Якуціі ўпаў астэроід

• 3.12.2024, 19:51

Відэафакт.

У Якуціі камеры зафіксавалі падзенне астэроіда. Ён увайшоў у атмасферу над горадам Ленскам а 19:14 паводле Менску, як гэта і прагназавалі навукоўцы.

Еўрапейскае касмічнае агенцтва (ЕКА) ацэньвала дыяметр нябеснага цела на 70 см. Дакладнае месца падзення не называецца, аднак большая частка астэроідаў такога памеру не дасягаюць паверхні Зямлі і выбухаюць у атмасферы.