УСУ знішчылі чатыры танкі і шэсць БМП РФ пад Курахавам

• 3.12.2024, 21:41

Відэа.

УСУ паспяхова адбілі атаку расейскіх войскаў у Максімаўцы пад Курахавам, знішчыўшы некалькі адзінак варожай тэхнікі з дапамогай FPV-дронаў.

Пра гэта ў тэлеграм-канале паведамілі байцы 130-га асобнага батальёна тэрытарыяльнай абароны Украіны.

Як адзначаецца, вораг з чатырох танкаў, у тым ліку Т-80БВМ з мінным тралам, і шасці баявых машынаў пяхоты, спрабаваў акружыць украінскія пазіцыі.

На падыходах да населенага пункта выведны ўзвод «Коцікі» знайшоў калону і нанёс удар з дапамогай FPV-дронаў. У выніку атакі знішчаныя два танкі Т-80БВМ з ахоўнымі надбудовамі, дзве баявыя машыны, уключаючы МТ-ЛБ, а таксама ліквідаваны дэсант ворага.

Ключавую ролю ў знішчэнні варожай тэхнікі выканалі беспілотнікі «НАТАХА», якія маюць наступныя характарыстыкі:

карысная нагрузка – да 1,5 кг;

час разгортвання – да 2 хвілінаў;

далёкасць кіравання – да 13 км;

баявы радыюс палёту – да 7 км;

крэйсерская хуткасць – 80 км/г.