Лідар апазіцыі: Юн Сок Ёль больш не з'яўляецца прэзідэнтам Паўднёвай Карэі

• 4.12.2024, 11:45

Палітыка і міністраў збіраюцца афіцыйна абвінаваціць у дзяржаўнай здрадзе.

Апазіцыйная Дэмакратычная партыя Паўднёвай Карэі выставіць абвінавачанні ў дзяржаўнай здрадзе супраць прэзідэнта Юн Сок Ёля, які напярэдадні абвясціў аб увядзенні вайсковага становішча ў краіне, і абвесціць яму імпічмент, паведамляе Yonhap.

Адзначаецца, што апазіцыя таксама плануе абвінаваціць у дзяржаўнай здрадзе міністраў абароны і ўнутраных спраў.

Лідар Дэмакратычнай партыі Лі Чжэ Мэн назваў абвяшчэнне ваеннага становішча "незаконным", сказаўшы, што Юн "больш не з'яўляецца прэзідэнтам" Паўднёвай Карэі.

Парламент павінен прагаласаваць за пачатак працэдуры імпічменту на працягу 72 гадзін пасля таго, як прапанова будзе вынесеная на пленарнае пасяджэнне, для гэтага патрэбна большасць у дзве трэці галасоў у парламенце, які складаецца з 300 дэпутатаў.

Yonhap піша, што Дэмакратычная партыя і іншыя невялікія апазіцыйныя партыі разам маюць 192 месцы, а гэта азначае, што прынамсі восем з 108 дэпутатаў ад кіроўнай партыі павінны падтрымаць імпічмент, каб яго прынялі.

Пасля гэтага Канстытуцыйны суд вынесе пастанову аб тым, ці з'яўляецца адхіленне Юна ад пасады апраўданым. На час разгляду справы ў судзе паўнамоцтвы прэзідэнта будуць прыпыненыя. Абавязкі Юна возьме на сябе прэм'ер-міністр Паўднёвай Карэі Хан Док Су.