У Менску працоўны скраў дарагіх вентылятараў на 10 тысяч рублёў

• 4.12.2024, 12:22

А прадаў за 500 рублёў.

Прадстаўнікі гандлёвага цэнтра, які будуецца ў Менску, звярнуліся ў міліцыю з заявай аб крадзяжы з дапаможнага памяшкання дарагіх вентылятараў.

Аператыўнікі Кастрычніцкага РУУС устанавілі, што да крадзяжу датычны адзін з рабочых — 42-гадовы раней неаднаразова судзімы жыхар Асіповічаў.

Напярэдадні мужчына працаваў унутры ГЦ. Выявіўшы ў адным з дапаможных памяшканняў скрынкі з вентылятарамі, надумаў іх выкрасці.

Папярэдне знайшоўшы пакупніка на прылады, мужчына адзін пракраўся ў гаспадарчае памяшканне і вынес адтуль шэсць вентылятараў. Ён атрымаў за іх перапродаж усяго 500 рублёў, прычым агульны кошт скрадзенага склаў больш за 10 тысяч рублёў.

Распачатая крымінальная справа паводле факту крадзяжу, учыненага ў вялікай суме.