Беларусаў чакаюць мокры снег і галалёд

• 6.12.2024, 23:45

Сіноптыкі расказалі пра надвор'е на выхадных.

У суботу, 7 снежня, у Беларусі чакаецца пераважна воблачнае надвор'е, паведамляе Белгідрамет.

У многіх раёнах пройдуць ападкі ў выглядзе снегу, мокрага снегу і дажджу. Як і напярэдадні, месцамі прагназуецца галалёд, слабы туман, на асобных адрэзках дарог краіны – галалёдзіца. Раніцай і днём месцамі па ўсходзе чакаецца наліпанне мокрага снегу. Вецер будзе паўднёва-ўсходні сярэдні.

Тэрмометры ноччу пакажуць 0...-5, днём будзе ад 2 градусаў марозу да 3 градусаў цяпла.

У нядзелю, 8 снежня, чакаецца воблачнае надвор'е, часам – ападкі (дождж, мокры снег). У асобных раёнах краіны прагназуюцца слабыя туман і галалёд, на дарогах галалёдзіца. Вецер будзе ўсходняй чвэрці, сярэдні, месцамі – парывісты.

Тэрмометры ноччу пакажуць -3...+3, днём прагназуецца -1...+5.