Крэмль рыхтуецца да значнага падзення коштаў нафты

• Тэлеграм-канал «Запретное мнение»
• 8.12.2024, 13:49

У гульню ўступілі ЗША і Савудаўская Арабія.

Рынак нафты ў найбліжэйшыя 2 гады сутыкнецца са зніжэннем коштаў, мяркуе кіраўнік «Раснафты» Ігар Сечын.

«Магчымай перспектывай», з яго слоў, можа стаць падзенне каціровак маркі Brent да $60, гэта значыць, амаль на 15% у параўнанні з цяперашнімі ўзроўнямі.

Рызыкі для рынку нафты на 2025-26 гады зыходзяць з боку ЗША і Савудаўскай Арабіі, паведаміў Сечын падса выступу на 17-м Веронскім еўразійскім эканамічным форуме.

Злучаныя Штаты могуць павялічыць здабычу на 400-600 тысяч барэляў на дзень праз выкарыстанне новай тэхналогіі нафтагазаздабычы і абяцання абранага прэзідэнта ЗША Дональда Трампа знізіць карпаратыўныя падаткі да 15%.

А Савудаўская Арабія валодае свабоднымі магутнасцямі на 1 млн барэляў за дзень.

«Як яны будуць выкарыстаныя – таксама сур'ёзны фактар», – сказаў Сечын.

«Мы павінны зыходзіць са стабільнасці працы і ўлічваць гэтыя праблемы. Будзе цана вышэйшай — добра, але рыхтавацца мы павінны да больш узважаных пастаноў», — сказаў кіраўнік «Раснафты».

Са слоў Сечына, каб «мінімізаваць рызыкі», у бюджэт кампаніі закладзена яшчэ больш нізкая цана - $45-50 за барэль расейскага гатунку Urals.

Гэта амаль на 30% менш, чым барэлі з РФ каштуюць цяпер - $63,48, паводле звестак Мінэканамразвіцця на лістапад.

Тэлеграм-канал «Запретное мнение»