BE RU EN

Макрон рыхтуе візіт у Польшчу

  • 9.12.2024, 19:07

Прэзідэнт Францыі зробіць візіт у Варшаву ў найбліжэйшыя дні.

Прэзідэнт Францыі Эманюэль Макрон рыхтуе візіт у Польшчу, звязаны з перамовамі з Уладзімірам Зяленскім і Дональдам Трампам у мінулыя выходныя.

Пра гэта стала вядома польскай Gazeta Wyborcza.

Паводле інфармацыі Gazeta Wyborcza з «дзвюх дыпламатычных крыніцаў», Макрон прыедзе ў Варшаву ў чацвер, 12 снежня, каб расказаць пра перамовы з Зяленскім і Трампам у Парыжы.

Пра візіт французскага прэзідэнта нібыта было дамоўлена падчас ягонай сустрэчы з Дональдам Тускам у лістападзе на саміце Еўрапейскай палітычнай супольнасці, дадае газета.

Агенцтва PAP пацвердзіла інфармацыю пра візіт Макрона ва «ўрадавых і прэзідэнцкіх крыніцах», дадаўшы, што ў французскага лідара запланаваныя сустрэчы з Тускам і прэзідэнтам Польшчы Анджэем Дудай.

Сустрэча прэзідэнтаў Францыі і Украіны Эмануэля Макрона і Уладзіміра Зяленскага з абраным прэзідэнтам ЗША Дональдам Трампам у суботу, 7 снежня, доўжылася 35 хвілінаў.

Апошнія навіны