Кітай упершыню за 14 гадоў змяніў манетарную палітыку
- 9.12.2024, 21:35
Краіна пакутуе праз скарачэнне карпаратыўных прыбыткаў і слабы інвестыцыйны клімат.
Краіна пакутуе праз скарачэнне карпаратыўных прыбыткаў і слабы інвестыцыйны клімат.
Кітай упершыню за 14 гадоў скарэктаваў сваю грашова-крэдытную палітыку, што выклікала значны рост коштаў акцый і дзяржаўных аблігацыяў. Пра гэта паведамляе Financial Times.
Палітбюро Камуністычнай партыі на чале з Сі Цзіньпінам заявіла, што ў 2025 годзе плануе ўкараняць актыўную фіскальную палітыку і памяркоўна мяккі манетарны курс для стымулявання эканомікі.
Сярод прыярытэтаў ураду – пашырэнне ўнутранага попыту, павышэнне эфектыўнасці інвестыцый і падтрымка спажывання. Палітбюро таксама дало абяцанне стабілізаваць рынкі нерухомасці і акцый, якія зазналі ціск з прычыны доўгай эканамічнай нявызначанасці.
Нягледзячы на станоўчыя сігналы, эканоміка Кітая сутыкаецца са складанасцямі: дэфляцыйныя працэсы прадаўжюцца, а кошты вытворцаў у лістападзе падалі 26-ы месяц запар. Рост спажывецкіх коштаў запаволіўся да 0,2% у гадавым вымярэнні, што з'яўляецца пяцімесячны мінімумам, а ў месячным – кошты ўпалі на 0,6%.
Фінансавыя рынкі адрэагавалі на навіны ростам: індэкс Ганконга Hang Seng падняўся на 2,8% да месячнага максімуму. Разам з тым прыбытковасць 10-гадовых дзяржаўных аблігацый знізілася да 1,938 адсотка.
Улады спадзяюцца, што змены дапамогуць стабілізаваць эканоміку, якая сёлета вырасла на 4,8%, але пакутуе праз скарачэнне карпаратыўных прыбыткаў і слабы інвестыцыйны клімат.