СМІ: Успыхнуў Маскоўскі НПЗ

• 13.02.2024, 8:06

Над сталіцай Расеі - вялізнае зарыва.

У раёне Маскоўскага НПЗ у Капотне назіраецца вогненнае зарыва, паведамляе The Moscow Times.

Відэа апублікаваў тэлеграм-канал Shot.

Жыхары маскоўскіх раёнаў Капотня, Мар'іна і Брацеева распавялі, што а 02:30 ночы ўбачылі вогненнае зарыва ў небе.

Некаторыя відавочцы сцвярджаюць, што на месца спяшаліся хуткая і дзве пажарныя машыны, але ў маскоўскай управе МНС нам распавялі, што «дзейных пажараў на тэрыторыі Масквы няма».

З мінулага года беспілотнікі з камерамі праводзілі выведку тэрыторыі вакол найбуйнейшага ў Маскве нафтаперапрацоўчага завода. Апошні раз квадракоптар заўважылі побач з НПЗ «Газпрамнафты» ў Капотне ў жніўні 2023 года. Тады паліцыянты знайшлі на дроне відэакамеру.

Таксама ў пачатку сакавіка мінулага года паліцыянты затрымалі 37-гадовага мужчыну, які займаўся фотаздымкам у раёне НПЗ на вуліцы Капотня. Высветлілася, што ён ураджэнец Украіны і прыехаў у Расею незадоўга да пачатку вайны.

НПЗ «Газпрамнафты» ў Капотне забяспечвае 40% патрэб Масквы ў бензіне і 50% у дызельным паліве, а таксама з'яўляецца асноўным пастаўшчыком паліва для сталічных аэрапортаў. Фактычна палівам гэтага НПЗ запраўляецца кожны трэці аўтамабіль у Маскве.

Нагадаем, што міністр у інавацыях, развіцці адукацыі, навукі і тэхналогій Украіны Міхаіл Фёдараў заявіў аб тым, што УСУ рыхтуюць масаваныя ўдары па Маскве і Санкт-Пецярбургу з дапамогай дронаў.