Беларускія асілкі ўсталявалі сусветныя рэкорды ва ўзняцці гіры

• 25.02.2024, 16:14

Рэкорды абнавілі Вячаслаў Харанека і Віктар Мацур.

Беларускія асілкі Вячаслаў Харанека і Віктар Мацур усталявалі сусветныя рэкорды ў гіравым спорце, паведамляе НАК.

Вячаслаў Харанека ў становішчы лежачы за 5 хвілін левай рукой выціснуў гіру вагой 32 кг 119 разоў. Ён пабіў свой жа рэкорд на 13 уздымаў.

62-гадовы асілак, які перанёс некалькі аперацый, не стамляецца ўражваць волатаўскай моцай і майстэрствам унікальнага атлета. Ён усталяваў сотні сусветных рэкордаў, запісаўшы сваё імя ў кнігу рэкордаў Гінэса.

У сваю чаргу Віктар Мацур 12 разоў узняў лежачы 60-кілаграмовую гіру адной рукой.