Беларус купіў аўто, але не зможа ездзіць на ім найбліжэйшыя гады

• 26.02.2024, 12:48

Як так выйшла?

П'яны жыхар Гародні сеў за стырно і пашкодзіў 6 прыпаркаваных аўто. Аб тым відавочцы паведамілі сёння ноччу на лінію «102». Інцыдэнт здарыўся на вуліцы Паўднёвай у абласным цэнтры.

Высветлілася, што 26-гадовы гараджанін купіў у Менску аўто. Ён надумаў адразу ж адзначыць набытак, таму дадому ў Гародні шчаслівага ўладальніка «ластаўкі» павёз сябар.

Прыяцель прыгнаў аўто з п'яным уладальнікам да свайго дому і адправіўся спаць. Гаспадар жа, убачыўшы пакінутыя ў замку ключы запальвання, надумаў не выклікаць таксі, а даехаць дадому на ўласным аўто.

Ён перабраўся за стырно, націснуў на газ, але тут адбылося тое, што ў гэтай сітуацыі па-за нечаканасцю: п'яны кіроўца, рухаючыся заднім ходам, сабраў «паравозік» з шасці аўто.

Алкатэст паказаў у маладзёна 1,2 праміле алкаголю. У найбліжэйшыя пяць гадоў аўтамабіль яму не спатрэбіцца дакладна. У яго вялікі штраф і пазбаўленне пасведчання кіроўцы.