Выведка Італіі абвінаваціла Расею ў вядзенні гібрыднай вайны супраць краіны

• 28.02.2024, 20:21

РФ выкарыстоўвае дэзынфармацыю, кібератакі і нелегальную міграцыю.

Расея вядзе гібрыдную вайну супраць Італіі, выкарыстоўваючы дэзынфармацыю, кібератакі і нелегальную міграцыю.

Пра гэта заявілі італьянскія выведныя службы ў штогадовым дакладзе парламента, паведамляе ANSA.

«Расея з'яўляецца самым актыўным гульцом у гібрыдных кампаніях на шкоду Італіі і ўсяму Захаду. Шпіянаж, кібератакі і выкарыстанне міграцыйных плыняў з мэтай дэстабілізацыі – гэта арсенал, які выкарыстоўваецца», – гаворыцца ў справаздачы італьянскай выведкі.

Сярод іншага, такім чынам, РФ спрабуе паўплываць на будучыя выбары ў Еўрапейскі парламент, запланаваныя на 6–9 чэрвеня 2024 года.

Адзначаецца, што апошні раз расейская дэзынфармацыя была зафіксаваная ў дачыненні да пратэстаў фермераў супраць сельскагаспадарчай палітыкі Еўрапейскага Звязу.