У Дубаі прайшлі гонкі спартоўцаў у рэактыўных уборах

• 1.03.2024, 18:40

Удзельнікі маглі развіваць хуткасць больш за 100 км/г.

У Дубаі прайшлі першыя гонкі спароўцаў у рэактыўных уборах. Пра гэта паведамляе Associated Press.

Да ўдзелу ў спаборніцтвах дапусцілі толькі прафесійных лётчыкаў. Яны падымаліся ў паветра недалёка ад парашутнага цэнтра Skydive Dubai.

Для гонак выкарыстоўваліся рэактыўныя ранцы кампаніі Gravity Industries. Яны абсталяваныя рухавікамі магутнасцю 1500 конскіх сіл. З іх дапамогай можна развіць хуткасць да 128 км/г. Пры гэтым джэтпакі запраўлялі тым жа авіяцыйным палівам, на якім лётаюць лайнеры Airbus A380 і Boeing 777.

Апроч заплечніка за спінай, у экіпіроўку ўваходзяць чатыры турбіны, якія гоншчык трымае ў руках. Яны дазваляюць манеўраваць у палёце. Арганізатары параўналі рэактыўныя ранцы з убраннем супергероя Жалезнага чалавека.

Пераможцам спаборніцтваў стаў пілот Іса Калфан. Пасля гонкі ён прызнаўся, што прылада выявілася простай у выкарыстанні і дастаткова бяспечнай. Пры гэтым адзін з удзельнікаў падчас праходжання дыстанцыі ўсё ж упаў у ваду. Інцыдэнт абышоўся без траўм.