Лукашэнку тэрмінова выклікалі ў Маскву

• 10.04.2024, 12:11

Раней гэты візіт не анансавалі.

Аляксандр Лукашэнка ляціць з працоўным візітам у Расейскую Федэрацыю, паведамляе ягоная прэс-служба. Раней гэты візіт не анансавалі.

«У Маскве 11 красавіка адбудзецца сустрэча з Прэзідэнтам Расеі Уладзімірам Пуціным у фармаце «сам-насам», - гаворыцца ў паведамленні.

Пуцін і Лукашэнка «абмяркуюць тэматыку развіцця супрацоўніцтва дзвюх краін у розных сферах, пытанні, якія патрабуюць разгляду на вышэйшым узроўні. У цэнтры ўвагі на перамовах таксама будзе рэгіянальная і міжнародная абстаноўка, каардынацыя дзеянняў аб рэагаванні на выклікі і пагрозы».

12 красавіка ў Аляксандра Лукашэнкі і Уладзіміра Пуціна плануецца супольнае мерапрыемства з нагоды Дня касманаўтыкі.