Расейскі «трызубны» наступ на Часаў Яр: генерал-лейтэнант УСУ раскрыў нюансы

• 13.04.2024, 20:09

Агучаны кірунак галоўнага ўдару.

Наступ Расеі 2024 на горад Часаў Яр (Данецкая вобласць) візуальна падобны да трызубу.

Адно вастрыё трызубага наступу - Багданаўка, паўднёвей - Іванаўскае, а пасярэдзіне супраціўнік спрабуе рухацца на сам Часаў Яр, падзяліўся меркаваннем генерал-лейтэнант Ігар Раманенка ў эфіры «FreeДом». Паводле ягоных слоў, захопнікі спрабуюць уварвацца ва ўсходнюю частку горада.

«Калі паглядзець на карту ў раёне Часовага Яра, то дзеянні ворага можна ахарактарызаваць візуальна як трызубец… Застаецца прынцыпова важным для іх планаў, вядома, прасоўванне на Пакроўск, але гэта немагчыма без захопу Часовага Яра. Таму адбываецца такога кшталту канцэнтрацыя войскаў і дзеянняў на гэтых трох кірунках», - заявіў экспэрт.

Афіцэр падкрэсліў, што Часаў Яр знаходзіцца на ўзвышшы і з'яўляецца сур'ёзным апорным абарончым пунктам украінскай сістэмы абароны ў гэтым месцы.