Байдэн раптам перапыніў выходныя праз сітуацыю на Блізкім Усходзе

• 13.04.2024, 20:43

Прэзідэнт ЗША тэрмінова вяртаецца ў Вашынгтон.

Прэзідэнт ЗША Джо Байдэн скасаваў паездку на выходныя, каб абмеркаваць з камандай нацыянальнай бяспекі "напружанасць" на Блізкім Усходзе.

Пра гэта паведамляе Times of Israel.

Са звестак выдання, прэзідэнт ЗША Джо Байдэн датэрмінова вяртаецца ў Вашынгтон з паездкі ў Дэлавэр.

Прычына датэрміновага заканчэння прэзідэнцкіх выходных у неабходнасці сустрэцца са сваёй камандай нацыянальнай бяспекі наконт падзей, якія адбываюцца на Блізкім Усходзе.

Абвастрэнне паміж Іранам і Ізраілем

Нагадаем, 1 красавіка ў выніку ракетнага ўдару па сталіцы Сірыі быў поўнасцю разбураны будынак консульства Ірана. Загінулі сама меней сем іранцаў, у тым ліку два генералы.

Іран абвінаваціў Ізраіль у нападзе і паабяцаў "цвёрды" адказ. Ізраіль у сваю чаргу папярэдзіў Іран, што ў выпадку атакі са сваёй тэрыторыі краіна нанясе ўдары ў адказ.

Заходнія СМІ заяўляюць, што Іран рыхтуецца да нападу, гэта можа адбыцца найбліжэйшымі днямі. Са звестак CNN, у ЗША фіксуюцца перасоўванне зброі на тэрыторыі Ірана.