У Менску мужчына паўтара года атрымліваў пенсію з чужымі дакументамі

• 16.04.2024, 11:41

Але ў выніку падман выявіўся.

У Менску мужчына незаконна атрымаў больш за 11,6 тысячы рублёў пенсіі. Аб гэтым паведамілі ў прэс-службе пракуратуры.

Згодна з матэрыяламі справы, мужчына ў перыяд з 8 студзеня 2021 года да 8 чэрвеня 2022 года паказваў на пошце пашпарт на імя памерлага 91-гадовага грамадзяніна, у якім была замененая фатаграфія, і атрымліваў грошы, якія былі налічаны памерламу ў якасці пенсіі з прычыны ўзросту.

Суд прызнаў мужчыну вінаватым у махлярстве паводле ч.3 арт. 209 КК. А пракуратура ў рамках грамадзянскага судаводства выставіла яму пазоўніку заяву аб спагнанні з грамадзяніна шкоды ў выглядзе неабгрунтавана выплачанай пенсіі ў суме звыш 11,6 тыс. рублёў.

Па выніках разгляду грамадзянскай справы пастановай суда пазоўныя патрабаванні пракурора былі задаволеныя ў поўным аб'ёме.