Лукашысты ўтойваюць маштабы і прычыны аварыі на Смілавіцкім тракце ў Менску

• 16.04.2024, 18:59

З чым гэта злучана?

У рэдакцыю сайта Charter97.org напісаў чытач Аляксей:

- У ранішняй аварыі перапоўнены аўтобус МАЗ рэзнуўся ў грузавік, які мірна стаяў. Лукашысцкія ведамствы і СМІ паведамляюць, што пацярпелі 20 чалавек, якіх чамусьці развозілі ажно па 7-мі лякарнях.

Але пазней паведамлялася ўжо пра 43 пацярпелых, якія звярнуліся ў медустановы. Таксама з'явілася інфармацыя аб тым, што прычынай трагедыі стала няспраўнасць аўтобуса.

Пасля санкцый, уведзеных супраць рэжыму Лукашэнкі за ўдзел у агрэсіі супраць Украіны, пачаліся масавыя аварыі камунальнага транспарту беларускай вытворчасці. Гэта выкліканае заменай заходніх дэталяў на няякасныя, зробленыя ў Беларусі, РФ ці Кітаі.

Няспраўнасці ў стырнавым кіраванні займаюць другое месца пасля самазагаранняў. Гэта выклікала ўжо значную страту рынкаў для беларускай камунальнай тэхнікі.

Рэжым пастараецца абвінаваціць у аварыі кіроўцу аўтобуса і персанал аўтапарка. Але гэта не палепшыць якасць беларускай тэхнікі, колькасць аварый з яе ўдзелам і пацярпелых у гэтых аварыях.