У Свіслачы знайшлі цела міліцыянта, які звольніўся ў 2020-м годзе

• 16.04.2024, 19:57

Яму было 26 гадоў.

1 красавіка на канале Таварыства ратавання на водах з'явілася паведамленне, што ўдзень 30 сакавіка ў Менску пры прывядзенні пошукавых работ у Свіслачы знайшлі труп затанулага мужчыны 1998 года нараджэння. Цяпер стала вядома, што гэта быў за чалавек.

За два дні да знаходжання цела ў рацэ, 28 сакавіка, у сацсетках пошукава-выратавальнага атрада «Анёл» з'явілася паведамленне аб знікненні Максіма Алегавіча Зубарава 1998 года нараджэння. 25 сакавіка ён знаходзіўся недалёка ад дома 58, корпус 1 на праспекце Незалежнасці, а пасля пайшоў адтуль у невядомым кірунку і перастаў выходзіць на сувязь.

Тапелец, знойдзены ў рацэ, якраз і выявіўся Максімам Зубаравым. «Нашай Нiве» стала вядома, што ён былы міліцыянтам, які працаваў у Докшыцкім РАУС, але ў 2020 годзе звольніўся адтуль падчас народных пратэстаў.

Пасля звальнення хлопец пераехаў у Менск, дзе працаваў таксістам і вучыўся на ІТ-спецыяліста.

Што з ім адбылося 25 сакавіка, пакуль невядома.