Тысячы грузавікоў і легкавікоў чакаюць уезду ў Еўразвяз на беларускай мяжы

• 18.04.2024, 12:36

Чэргі выраслі.

Чэргі з фур і легкавікоў выраслі перад усімі еўрапейскімі памежнымі пераходамі. Аб гэтым карэспандэнту БЕЛТА паведамілі ў прэс-службе Дзяржаўнага памежнага камітэта Беларусі.

Больш за ўсё аўто сабралася ў пункце пропуску "Меднікі" ("Каменны Лог"), паколькі там ноччу адбыўся пажар і было прыпыненае афармленне транспарту.

На 12 гадзін больш за 900 грузавых і легкавых аўто чакаюць аднаўлення руху на гэтым маршруце. У чарзе стаяць 195 легкавых аўто і 735 грузавікоў.

Тым часам перад літоўскім памежным пераходам "Беняконі" ("Салечнікі") выезду з Беларусі чакаюць 610 фур і 150 легкавікоў.

На беларуска-польскай мяжы ў пункце пропуску "Берасце" ("Тэрэспаль") выезду з Беларусі чакаюць 220 легкавікоў і 17 аўтобусаў. На мяжы з Латвіяй на памежным пераходзе "Грыгароўшчына" ("Патэрніекі") уезду ў ЕЗ чакаюць 50 легкавых аўто і 760 фур.

Нагадаем, што ўночы на 18 красавіка на літоўскім памежным пераходзе "Меднікі" (сумежны пункт пропуску — "Каменны Лог") успыхнуў пажар. У выніку згарэў будынак мытні.

Паводле інфармацыі паліцыі, падчас праверкі аўтамабіля Porsche Cayenne у надглядным ангары мытні ўспыхнуў пажар. Агонь ліквідавалі толькі раніцай - а 07.00.