УСУ паказалі, чым ловяць акупантаў «на жыўца»

• 23.04.2024, 17:55

Відэафакт.

Украінскія байцы ўсталявалі сцяг на воданапорнай вежы ў пасёлку Казачыя Лагеры (побач з Крынкамі) на левым беразе Херсоншчыны.

Адпаведнае відэа апублікаваў у сваім тэлеграм-канале лейтэнант Узброеных Сіл Украіны з пазыўным "Алекс".

Паводле ягоных слоў, сцяг устанавілі байцы 35-й брыгады марской пяхоты. Прычым зрабілі гэта ўласнаручна, а не з дапамогай дрона, як гэта часта бывае сёння.

"Алекс" адзначае, што расейскія акупанты ўжо атрымалі загад зняць украінскі сцяг любой цаной. Відавочна, украінскія абаронцы ўжо рыхтуюцца сустракаць тых, хто палезе па сцяг.

"Сардэчна запрашаем, вас ужо чакаюць", - напісаў "Алекс".