У Менскім раёне пастанавілі перагледзець межы некаторых населеных пунктаў

• 24.04.2024, 17:16

Што зменіцца?

У Менскім раёне пастанавілі змяніць межы некаторых населеных пунктаў. Адпаведная пастанова была апублікаваная на Нацыянальным прававым інтэрнэт-партале.

Змяненні закрануць наступныя населеныя пункты:

• 20,3962 га зямельных надзелаў будуць далучаныя да аграгарадка Калодзішчаў Калодзішчанскага сельсавета;

• на 183,5025 га павялічаць тэрыторыю вёскі Аколіцы Астрашыцка-Гарадоцкага сельсавета;

• 0,1788 га дададуцца да вёскі Ельніцы Навадворскага сельсавета.

Паводле апублікаванай інфармацыі, такія змены неабходныя для ўключэння ў гэтыя населеныя пункты жылых дамоў, якія будуюцца.