Ва Уздзенскім раёне пенсіянер на мікрааўтобусе наехаў на сваю ўнучку

• 15.05.2024, 17:37

Гадавалая дзяўчынка загінула.

Ва Уздзенскім раёне мужчына наехаў на сваю ўнучку, паведамілі ва УУС Менаблвыканкама.

Паводле звестак міліцыі, 74-гадовы мясцовы жыхар выязджаў заднім ходам на сваім аўто з дваровай тэрыторыі. Пенсіянер не пераканаўся ў бяспецы манеўру і наехаў на сваю гадавалую ўнучку, якая гуляла на вуліцы каля дома.

Дзяўчынка ад атрыманых траўм памерла на месцы здарэння.

Распачатая крымінальная справа. Устаноўлена, што ён быў цвярозы.