«У нас падаражэла амаль усё»

• 16.05.2024, 9:46

Палічылі кошт салаты і параўналі з мінулым годам.

Што можа быць лепшым за сезонныя салаты з гародніны ў спякотны дзень? Спыніць ад жадання яго прыгатаваць могуць, хіба што, кошты прадуктаў. Спойлер: у нас падаражэла амаль усё.

Кошты сезоннай гародніны і прадукты для салаты bgmedia.site глядзеў у беларускім «АЛМІ» і на сайце «Е-дастаўка». Адзначым, што цэны ў крамах могуць быць крыху ніжэйшымі, чым у дастаўцы.

Даражэй за ўсё цяпер каштуюць малінавыя памідоры. Іх кошт за кілаграм - 12,15 BYN. Летась яны каштавалі 8 BYN за кіло, што танней амаль на 52%.

Недалёка «сышлі» і слівападобныя таматы. Іх кошт у траўні 2023 года быў 5,91 BYN, а сёння - 7,86. Выходзіць, за год гэты гатунак памідораў падаражэў на 33%.

А што з самым галоўным інгрэдыентам? На радыску цэннік за год таксама вырас. Праўда, не так адчувальна, як на таматы. Розніца з мінулым годам склала 25,5 адсоткаў. Даражэй сталі каштаваць і агуркі - на 30%.

Якая ж вяснова-летняя салата без зяленіва? Кошт жмутка пятрушкі і кропу амаль аднолькавы. Але ўсё адно даражэй, чым у траўні 2023 года. Размова пра 12,5 працэнта.

Але ёсць інгрэдыент, які нават патаннеў за год на цэлых 35 капеек. І гэта зялёная цыбуля.

Што да смятаны, то тут усё стабільна: як каштавала 1,80 BYN за 200 грамаў, так і каштуе.

Для зручнасці склалі параўнальную табліцу кошту за гэты і мінулы год. Цэны актуальныя на 15 мая 2023.

Выходзіць, што прыгатаваць салату з малінавымі таматамі ў Беларусі каштуе 28,35 BYN. Летась - 22,53 BYN, што амаль на 30% танней.

Калі замяніць малінавыя памідоры на слівападобныя, то такі сезонны салацік атрымаецца прыкметна таннейшым - 24,06 BYN. Але нават у гэтым выпадку гаспадыні ўзору 2023 года ён абышоўся б танней на 19,5% - 20,14 BYN.