Ракетная атака знішчыла заправачную станцыю на авіябазе «Бельбек» у Крыме

• 16.05.2024, 10:05

Сталі вядомыя вынікі магутнага пажару.

У выніку ракетнай атакі па крымскім аэрадроме Бельбек пачаўся пажар на заправачнай станцыі на яго тэрыторыі. Яна знішчаная.

"Як мінімум адна з запушчаных сёння па анэксаваным Крыме ракет не была збітая... Яна патрапіла па заправачнай станцыі на ваенным аэрадроме "Бельбек", узнік пажар", – паведаміў тэлеграм-канал ASTRA са спасылкай на свае крыніцы ў экстраных службах.

З папярэдніх звестак, пацярпелых няма.

Прызначаны Расеяй “губернатар” Севастопаля Міхаіл Развазжаеў раней сцвярджаў, што “расейскія вайскоўцы адбілі атаку УСУ”.