СМІ: З лячэннем прэм'ера Славакіі могуць узнікнуць праблемы

• 16.05.2024, 12:58

Палітыка чакае яшчэ адна аперацыя.

Прэм'ер-міністра Славакіі Робэрта Фіца чакае яшчэ адна аперацыя, аднак з яго лекамі могуць узнікнуць праблемы.

Аб гэтым паведамляе Pravda.

Са звестак выдання, Фіца чакае аперацыя на сцягне.

У той жа час выданне паведамляе, што ў прэм'ера Славакіі быў крывацёк у брушной паражніне, але яго ўдалося спыніць. Пры гэтым адзначаецца, што прэпараты, якія разрэджваюць кроў, якія прымае прэм'ер, могуць выклікаць праблемы.

У сваю чаргу Мірыям Лапунікава, дырэктарка шпіталя, дзе лечыцца Фіцо, паведаміла, што яму была зробленая пяцігадзінная аперацыя з-за шматлікіх агнястрэльных раненняў, для якой спатрэбіліся дзве аперацыйныя брыгады.

Паводле ейных слоў, стан прэм'ер-міністра застаецца "сапраўды вельмі цяжкім", і ён па-ранейшаму знаходзіцца ў аддзяленні інтэнсіўнай тэрапіі.

15 траўня ў горадзе Гандлава мужчына напаў на прэм'ер-міністра Славакіі Робэрта Фіца.

Палітык атрымаў агнястрэльнае раненне. Пасля гэтага Фіцо быў неадкладна шпіталізаваны і неўзабаве пасля паўночы перанёс аперацыю.

Славацкія СМІ раскрылі асобу чалавека, які спрабаваў пазбавіць Фіцо жыцця. Гэта быў 71-гадовы пісьменнік і паэт Юрай Цынтура.