«Заробак дырэктара на БелАЗе для многіх стаў адкрыццём»

• 17.05.2024, 16:56

Беларусы шчыра расказалі пра сітуацыю на прадпрыемстве.

Паводле апошняй інфармацыі, на канец 2023 года налічаны сярэднямесячны заробак на БелАЗе быў 2 448,2 рублі, на БАТЭ — 1731,1 рублі.

Сайт EX-PRESS.BY спытаў у чытачоў, які ў іх заробак. Высветлілася, можна зарабіць і 3000, але «па-асабліваму».

Максім:

- Так, я зарабляю блізу 3000 тысяч рублёў на БелАЗе і цалкам задаволены тым, што хоць заробак атрымліваю нармальны. Пра астатняе не хачу расказваць, бо пераслед: нават тэлефон вымушаны кнопкавы на працу насіць, могуць праверыць, атрымаеш па карку.

Аляксандр:

- Спрабаваў шукаць працу на БелАЗе. Вакансіяў шмат. Але акумулятаршчыку на БелАЗе абяцаюць плаціць ад 1400 рублёў, кіроўцу пагрузчыка - блізу 1500 рублёў. А каб 2000 зарабіць, трэба яшчэ па-асабліваму папрацаваць і, канешне, лаяльным да ўлады быць. Гэта яшчэ і важней за прафесіяналізм. Так што знайшоў працу ў іншым месцы.

Валя:

- На БелАЗе абмяркоўваюць заробак дырэктара (18 468,76 рубля на канец 2023 года - заўв. рэд.). Для многіх - гэта адкрыццё. Таму што мая сястра працуе на БелАЗе ў сталовай і атрымлівае блізу 1000 рублёў, хоць яе праца цяжкая і таксама патрабуе ведаў, досведу. Я разумею, што гэта непараўнальна з адказнасцю дырэктара, але і не менш за дзясяткі разоў, як заробак.

Марыя:

- На БелАЗе, дапускаю, што ёсць заробак 2000 рублёў, але далёка не ва ўсіх. І мяне гэта не дзівіць, таму што ў іх рэсурсы, іх дзяржава падтрымлівае. Іх нават у сталоўках лепш кормяць, на экскурсіі возяць. А настаўнікам, напрыклад, трэба вельмі шмат працаваць, каб хаця б паўтары тысячы мець.