У Баранавічах голы мужчына апынуўся на даху гандлёвага цэнтру

• 19.05.2024, 12:04

Па яго адправіліся ратавальнікі.

Голы мужчына апынуўся на даху крамы ў Баранавічах, паведаміў мясцовы партал Bar24. Здымаць чалавека з даху адправіліся ратавальнікі.

Голы мужчына знайшоўся сёння, 19 траўня, блізу 11.00 на даху будаўнічага супермаркета Bild на вуліцы Кірава ў райцэнтры.

Да месца здарэння пад'ехалі экстранныя службы - МНС, міліцыя і хуткая дапамога. Ратавальнікі адправіліся на дах па лесвіцы, а міліцыя прыбрала ровар, які знаходзіўся побач, і назірала.

Як і чаму мужчына апынуўся на даху, на момант яго выяўлення было невядома.