Міністр абароны Славаччыны: Арганізм Фіца вычарпаў рэзервы

• 19.05.2024, 12:11

Параненага прэм'ер-міністра не будуць транспартаваць у Браціславу.

Прэм'ер-міністр Славаччыны Роберт Фіца знаходзіцца ў цяжкім стане, у выніку замаху 15 траўня ён атрымаў пяць раненняў.

Міністр абароны Славаччыны Роберт Каліняк у каментары стану калегі назваў яго «стабільным, але цяжкім».

Адно з раненняў кіраўніка ўрада з'яўляецца вельмі цяжкім.

«Так званае бруднае раненне, якое заносіць у арганізм мноства інфекцый», – заявіў палітык у інтэрв'ю TA3.

Са слоў Каліняка, на гэты момант галоўная праблема не толькі ў раненнях.

«Знясіленне арганізма велізарнае. Арганізм вычарпаў рэзервы ахоўных механізмаў», - падкрэсліў міністр.

Каліняк даў зразумець, што зараз усё залежыць ад лекараў і таго, як адкажуць на гэты выклік.

З вышэйпаказанай прычыны Роберта Фіца не могуць перавезці ў Браціславу цягам некалькіх дзён.