У Беларусі знайшлі яшчэ 70 тысяч «дармаедаў»

• 19.05.2024, 21:53

Міліцыя склала спісы.

Міліцыя арганізавала працу па «забеспячэнні дысцыпліны і грамадскага парадку» на аб'ектах аграпрамысловага комплексу і агулам у вёсцы, паведамілі ў МУС Беларусі ў нядзелю, 19 траўня.

Для гэтага міліцыянты спецыяльнымі групамі патрулявалі вёскі. Вынікам стала складанне спісаў беспрацоўных вяскоўцаў.

Міліцыя дзейнічала ў адпаведнасці з даручэннем Аляксандра Лукашэнкі, якое той аддаў 16 красавіка на нарадзе аб развіцці сяла і павышэнні эфектыўнасці аграрнай галіны.

«Так, сярод укаранёных навін - патруляванне сельскіх населеных пунктаў мабільнымі групамі страявых падраздзяленняў міліцыі. Такімі сіламі ўжо адпрацавана больш за 400 вёсак і аграгарадкоў», - распавялі ў МУС.

Таксама ў міліцыі сфармавалі «спісы незанятых у эканоміцы вяскоўцаў працаздольнага ўзросту».

«Такіх у краіне больш за 70 тысяч чалавек. З іх больш за тры тысячы знаходзяцца на ўліку як хатнія скандалісты, звыш шасці тысяч - раней судзімыя. З гэтымі катэгорыямі праводзіцца адрасная прафілактычная праца, у якую ўцягнутыя не толькі супрацоўнікі міліцыі, але і іншыя зацікаўленыя», - паведамілі ў МУС.

За месяц міліцыянты наведалі 700 сем'яў «дармаедаў, у якіх выхоўваюцца непаўналетнія дзеці або пражываюць асобы сталага веку». Прыблізна больш чым тысячы грамадзян накіравана пісьмовая інфармацыя ў камісіі садзейнічання занятасці насельніцтва. Як вынік - працаўладкаваныя 250 чалавек.

«Дакументам прадугледжанае прыцягненне да працы асоб падчас адміністрацыйнаму арышту (на іх жаданне). Укладзена больш за 50 дамоваў з аб'ектамі АПК, у адпаведнасці з якімі ўжо звыш 400 такіх грамадзян атрымалі часовую працу», - распавялі ў ведамстве і паабяцалі, што такая дзейнасць будзе працягнутая.