Зяленскі распавёў аб умацаванні пазіцый УСУ на Харкаўшчыне

• 19.05.2024, 21:01

Сілы абароны Украіны эфектыўна знішчаюць расейскіх акупантаў.

Узброеныя сілы Украіны змаглі ўмацаваць свае пазіцыі ў Харкаўскай вобласці за мінулы тыдзень, а расейскія акупанты не дабіліся мэты расцягнуць і аслабіць украінскія сілы на ўсёй лініі фронту, заявіў прэзідэнт Украіны Уладзімір Зяленскі.

«Вынікі гэтых дзён – усяго тыдня – у нас больш моцныя пазіцыі на Харкаўшчыне. 57-я брыгада, 82-я брыгада ДШВ – дзякуй вам, воіны», – сказаў ён у сваім звароце паводле вынікаў дакладу галоўнакамандуючага Узброенымі сіламі Украіны Аляксандра Сырскага.

Зяленскі адзначыў, што Сілы абароны эфектыўна знішчаюць акупантаў у Данецкім кірунку – між іншым, у раёнах гораду Часів Яр і іншых.

«Уласна, акупант не дасягае сваёй задачы – расцягнуць нашы сілы і гэтым аслабіць Украіну на шырокім фронце ад Харкаўскай да Данецкай вобласці», – гаворыцца ў заяве Зяленскага.

З ягоных слоў, Сырскі цяпер знаходзіцца на перадавой, непасрэдна ў баявых брыгадах.

«Я дзякую кожнаму нашаму жаўнеру, кожнаму сяржанту, кожнаму афіцэру, якія дастаткова смела і стойка выконваюць баявыя загады і захоўваюць нашыя пазіцыі. Асабліва адзначу за баі ў гэтыя дні 41-ю брыгаду, перш за ўсё, спецпадраздзяленні ГУР «Кракен» і «Артан», і падраздзяленні Нацгвардыі. Менавіта за Часів Яр – за знішчаную расейскую тэхніку і адбіццё штурмаў – дзякуй вам, хлопцы! Таксама асабліва хачу падзякаваць 225-му асобнаму штурмавому батальёну – проста малайцы», – дадаў Зяленскі.