Брытанскі прэм'ер атрымаў санкцыю караля на роспуск парламента

• 22.05.2024, 20:01

Датэрміновыя выбары адбудуцца 4 ліпеня.

Прэм'ер Брытаніі Рышы Сунак паведаміў, што атрымаў санкцыю караля Карла ІІІ распусціць парламент і правесці датэрміновыя выбары ў парламент, паведамляе The Guardian. Яны адбудуцца 4 ліпеня.

«Цяпер для Брытаніі надышоў момант абраць сваю будучыню. Каб вызначыць, ці хочам мы развіваць дасягнуты прагрэс або рызыкнуць вярнуцца да зыходнай кропкі без якога-небудзь плану і ўпэўненасці», – сказаў Сунак.

The Times звязвала пастанову пра датэрміновыя выбары са звесткамі пра інфляцыю ў краіне. Сам Сунак адзначаў паляпшэнне эканамічнай сітуацыі пасля падзення інфляцыі з 3,2 адсотка ў сакавіку да 2,3 адсотка ў красавіку.