«Дзеці ў шоку, круцілі пальцамі ля скроні»

• 23.05.2024, 10:17

Аб выпускных вечарах.

У школах будуць выпускныя вечары. Сёлета іх рэкамендавана праводзіць без рэстарацый, дыджэяў і лімузінаў, гэта значыць, без атрыбутаў раскошы.

Ex-press.by спытаў чытачоў, як яны ставяцца да гэтай рэкамендацыі.

Аляксандр:

- Я дыджэй, кожны год вяду выпускныя. Гэты дзень з’яўляецца таксама магчымасцю для рэстарацый нашага горада зарабіць. Аднак зараз выпускныя будуць праводзіцца на пляцоўках устаноў культуры і дадатковай адукацыі. Ну што ж, мы з бацькамі ўжо дамовіліся: у прызначаны ўладамі дзень яны адзначаць сціпла, а потым мы зробім сапраўднае свята. Але абыдземся без падрабязнасцяў.

Марына:

— Мы з братам без гэтых пафасных святаў абыходзіліся: так бедна жылі, што бацькі не маглі сабе дазволіць гарнітур выпускны і сукню для нас. І зараз нашы дзеці не пойдуць нікуды, толькі атрымаюць атэстат і медаль. Яны проста не хочуць ва ўсім гэтым «патрыятычным» вар’яцтве ўдзельнічаць.

Вікторыя:

- Ідзе падрыхтоўка да двух свят. Нават да трох. Сходзім у школу, потым дзеці самі збяруцца - яны плануюць супольную паездку. Ну і бацькі, хто захоча, збяруцца адзначыць.

Валянціна:

- Раней бацькі праяўлялі ініцыятыву. У дачкі быў выпускны цікавы і вясёлы. Цяпер жа чыноўнікі кажуць, што «задача - не дапусціць неабгрунтаваных збораў грашовых сродкаў на правядзенне выпускных вечароў». Выпускны, на іх думку, не павінен станавіцца марнатраўным для сямейнага бюджэту. Але чаму? Хто мяне спытаў? Я так марыла, што гэта будзе крутое, пышнае свята, бо клас сына вельмі дружны, і яны жадаюць правесці выпускны па-свойму...Эх...

Вольга:

- Лукашэнка загадаў узяць пад жорсткі кантроль правядзенне выпускных у Беларусі, забараніўшы шоў з лімузінамі і рэстарацыямі. Дзеці ў шоку, круцілі пальцамі ля скроні. Ніхто і не хацеў пафаснага свята, а Лукашэнка пазбаўляе свабоды выбару нават у такіх пытаннях.

Фёдар:

- Гэта вельмі сумная гісторыя. Бацькоў і дзяцей у школе муштруюць, хочуць зрабіць нешта чырвона-зялёнае і пафаснае. Добра, што ў старэйшай выпускны быў летась, а малодшай яшчэ рана аб выпускным думаць. Спадзяюся, ды яе выхаду са школы ўсё зменіцца, і свята будзе нармальным.