Рэзервы Пуціна блізкія да знясілення

• Альфрэд Кох
• 23.05.2024, 10:57

Але ўсё можа змяніцца.

Мінулі два гады і восемдзесят дзевяць дзён вайны. Сённяшнія мапы ISW нічога новага не паказваюць і, у гэтым сэнсе, расейцаў, нібыта, удалося спыніць. Хоць на Харкаўскім кірунку баі працягваюцца, але ўжо практычна без нейкіх прыкметных для расейцаў поспехаў.

Больш за тое: калі верыць некаторых расейскім (!) ваенкарам, то УСУ на тым жа, напрыклад, харкаўскім кірунку ўжо пачалі прычыняць ворагу такую шкоду, што не сёння - заўтра могуць самі перайсці ў наступ. Але гэта пакуль - усяго толькі паведамленні з інтэрнэта. Колькі ў іх праўды - невядома.

Роўна як і ў заяве расейскага Мінабароны аб тым, што расейскія войскі занялі Кляшчыеўку, што на поўдзень ад Бахмута. У верасні мінулага года УСУ адбілі ў іх Кляшчаеўку, а вось зараз усё вярнулася назад…Але праўда гэта ці не - ідзі, даведайся…

Сёння Швэцыя паведаміла, што пастанавіла надаць Украіне вайсковую дапамогу ў суме 8 млрд еўраў за тры гады. Гэта даволі шмат для такой невялікай краіны, як Швэцыя.

Таксама нядаўна некалькі амерыканскіх кангрэсмэнаў (уключаючы, дарэчы, і спікера Джонсана!) звярнуліся да Белага Дома і Пентагона з заклікам зняць вета на выкарыстанне Украінай амерыканскай зброі па цэлях на тэрыторыі Расеі.

Мне неяк ніякавата ўпадаць у захапленне ад далягляду скасавання гэтай забароны і непазбежных у сувязі з гэтым абстрэлаў расейскай тэрыторыі (з непазбежнымі ж спадарожнымі стратамі сярод мірнага насельніцтва), але, тым не менш, я прызнаю, што з вайсковага пункта гледжання гэта, вядома, быў бы справядлівы крок, які ўраўноўвае шанцы бакоў.

Але галоўнай сённяшняй навіной я б назваў паведамленне Мінабароны Вялікай Брытаніі, што паводле звестак іх выведкі Кітай пачаў (ці вось-вось пачне) пастаўкі смяротнай зброі Расеі. Гэтую навіну пацвярджаюць і з Вашынгтона.

Ускосна, пра гэта ж казаў у аўторак, 21 траўня, у эфіры тэлемарафона камандзір экіпажа БПЛА «Кара нябесная» 4-й брыгады НДУ «Рубеж» Андрэй Отчанаш.

З яго слоў, апошнім часам расейцы ўдасканальваюць свае дроны, каб пераадольваць украінскія сістэмы радыёэлектроннай барацьбы. Да таго ж расейцы маюць у дзесяць разоў больш дронаў у параўнанні з УСУ, бо атрымліваюць камплектуючыя ад Кітая.

Так што ўсе, хто смяяўся над візітам Пуціна ў Кітай (уключаючы мяне) і здзекаваўся з пагадненняў аб «вялікіх котках» і тапінамбуры - могуць пачытаць яшчэ раз паведамленне Мінабароны Вялікай Брытаніі і ў які ўжо раз пераканацца ў тым, што барацьба мае быць сур'ёзная, доўгая і вельмі крывавая.

Яшчэ ўчора я пісаў аб тым, што рэзервы Пуціна блізкія да знясілення і яму трэба моцна падумаць, за кошт чаго ён можа здзейсніць рывок. І вось вам калі ласка, плён яго разважанняў: Кітай пачаў пастаўкі зброі Расеі.

Гэта, канешне, не прысуд. Але калі Сі Цзіньпін сур'ёзна пачне дапамагаць Пуціну ў гэтай вайне, то Захаду спатрэбіцца зусім іншы ўзровень мабілізацыі сваіх магчымасцяў, каб супрацьстаяць такому альянсу.

Спадзяюся, што Захад ужо ўсвядоміў тую пагрозу, якую прадстаўляе для яго такі вайсковы хаўрус Кітая і Расеі і зробіць правільныя высновы.

Слава Украіне!

Альфрэд Кох, «Телеграм»