У харкаўскім ГЦ, які атакавалі расейцы, знаходзілася больш за 200 чалавек

• 25.05.2024, 18:59

У гіпермаркет трапілі два КАБы.

Расейцы па-варварску атакавалі спальны раён Харкава, ударыўшы па гіпермаркеце «Эпіцэнтр», піша New Voice.

Акупанты патрапілі двума КАБамі ў ГЦ, у выніку чаго ўзнік пажар на плошчы больш за 10 тысяч квадратных метраў.

Таксама расейскія вайскоўцы нанеслі ўдар па цэнтральным парку ў Харкаве.

Дакладная колькасць загінулых і пацярпелых яшчэ ўдакладняецца. Паведамлялася, што вядома пра двух загінулых і 35 пацярпелых у «Эпіцэнтры», таксама вядома пра вялікую колькасць зніклых без вестак.

Са слоў мэра гораду Ігара Церахава, на момант расейскага нападу ў «Эпіцэнтры» знаходзілася амаль 200 чалавек.