СМІ: Ізраільскія танкі ўжо ў цэнтры Рафаха

• 28.05.2024, 21:43

Што вядома.

Ваенная тэхніка Войска абароны Ізраіля (ЦАХАЛ) дайшла да цэнтра горада Рафах на поўдні сектара Газа ў рамках баявых дзеянняў супраць тэрарыстаў палестынскай групоўкі ХАМАС. Пра гэта 28 траўня паведамляе Reuters са спасылкай на відавочцаў.

Агенцтва адзначае, што ізраільскія танкі і бронятэхніка з кулямётамі былі заўважаныя каля мячэці Аль-Ауда, гарадской славутасці ў цэнтральнай частцы Рафаха.

Танкі ў раёне Рафаха паказала тэлекампанія Al Jazeera.

Ізраільскія вайскоўцы паведамілі ў Telegram, што «ЦАХАЛ прадаўжае дзейнічаць у раёне Рафаха», у так званым Філадэльфійскім калідоры на мяжы Егіпта і сектара Газа.

«Войскі вядуць блізкі бой з тэрарыстамі і выяўляюць у гэтым раёне шахты тэрарыстычных тунэляў, зброю і дадатковую тэрарыстычную інфраструктуру», – гаворыцца ў пасце.