Прычынай падвышэння цэн на паліва ў Беларусі сталі фінансавыя праблемы нафтаперапрацоўшчыкаў

• 29.05.2024, 16:48

Чыстая страта нафтавікоў фіксуецца ўжо трэці месяц запар.

Белстат апублікаваў абноўленыя афіцыйныя звесткі аб статыстыцы рэгіёнаў Беларусі. Мазырскі раён працягвае прыносіць беларускай эканоміцы вялізныя страты, адзначаеце «Флагшток».

Па выніках першага квартала 2024 года чыстая страта прадпрыемстваў Мазырскага раёна склала 153,3 млн. BYN. Чыстая страта ў раёне фіксуецца ўжо трэці месяц запар. Прычым яе маштаб з'яўляецца вялізным у маштабах Гомельскай вобласці. Без уліку Мазырскага раёна агульны прыбытак прадпрыемстваў Гомельскай вобласці быў бы ў паўтара раза большым.

Прычынай стратнасці Мазырскага раёна з'яўляецца праца галоўнага валаўтваральнага прадпрыемства рэгіёну - Мазырскага МНЗ. Аналагічная сітуацыя складваецца і ў Наваполацку, дзе фінансавыя праблемы Нафтана прывялі да чыстай страты ў маштабе горада сумай 373,8 млн. BYN.

Бягучы фінансавы стан Мазырскага НПЗ пракаментавала, крыніца знаёмая з сітуацыяй на прадпрыемстве.

- Паводле аб'ёмаў завод працуе нармальна. Але за 4 месяцы 2024 года прадпрыемствам былі атрыманы вялікія страты. На выніковыя страты ў тым ліку паўплываў праведзены ў апошні час капітальны рамонт.

На думку суразмоўцы фінансавая сітуацыя на прадпрыемстве паслужыла адной з прычын павелічэння коштаў паліва, якое зараз паэтапна рэалізуе канцэрн Белнафтахім.

- Са студзеня для Беларусі зноў падаражэла нафта, а кошты нафтапрадуктаў не раслі. Напрыклад, сёння рэнтабельнасць рэалізацыі дызельнага паліва ў Беларусі - прыкладна мінус 4%. Затое экспартныя пастаўкі бензіну працягваюць прыносіць прыбытак прыкладна 10 адсоткаў.