У Дзярждэпе ЗША адказалі Лукашэнку

• 19.06.2024, 12:32

Сапраўдныя лідары выступаюць супраць антысемітызму, а не распаўсюджваюць яго.

Пасланнік Дзярждэпартамента ЗША па маніторынгу антысемітызму Дэбора Ліпштат асудзіла антысеміцкую заяву Лукашэнкі:

- Недапушчальна, каб хто-небудзь, што прэтэндуе на ролю лідара краіны, распаўсюджваў антысеміцкія лозунгі і ненавісныя стэрэатыпы аб юдэях, асабліва калі мы назіраем рэзкі глабальны рост антысемітызму. Лукашэнка, кіраўнік рэпрэсіўнага рэжыму ў Беларусі, вымавіў адну з апошніх антысеміцкіх абраз. Сапраўдныя лідары выступаюць супраць антысемітызму, а не распаўсюджваюць яго.

Нагадаем, Аляксандр Лукашэнка падчас нарады з урадам адзначыўся антысеміцкай заявай.

Расказваючы пра карупцыйны скандал, у якім апынуўся замешаны яго былы памочнік - інспектар Віцебскай вобласці, экс-міністр сельскай гаспадаркі і харчавання Ігар Брыла, дыктатар заявіў, што разам з ім па крымінальнай справе праходзяць тры дзясяткі чалавек.

- Вось тры дзесяткі чалавек пералічаныя. Вы мне прабачце, я не антысеміт, але больш за палову юдэяў. Гэта што ў нас асаблівае, прывілеяванае становішча займаюць, што яны крадуць і не думаюць пра сваю будучыню. Усе аднолькавыя перад законам. І юдэі, і беларусы, і ўкраінцы, расейцы і палякі, - заявіў Лукашэнка, не патлумачыўшы пры гэтым, якая, у яго разуменні, ёсць сувязь паміж этнасам чалавека і карупцыяй.

Антыюдэйскае выказванне Лукашэнкі паказалі ў вячэрнім эфіры на дзяржтэлеканале «Беларусь 1».